Fréttir ÍBA

Íþróttamaður Akureyrar 2013 Íþróttabandalag Akureyrar boðar til verðlaunahátíðar í Menningarhúsinu Hofi miðvikudaginn 22. janúar kl. 17.00 þar sem lýst verður kjöri íþróttamanns Akureyrar 2013. Jafnframt fá þeir íþróttamenn sem aðildarfélög ÍBA hafa tilnefnt sem sinn íþróttamann ársins 2013 afhentar viðurkenningar. Íþróttabandalag Akureyrar og íþróttaráð Akureyrarbæjar bjóða bæjarbúum að vera viðstaddir athöfnina og heiðra þannig afreksíþróttafólk bæjarins. Við sömu athöfn verða afhentar heiðursviðurkenningar Íþróttaráðs Akureyrarbæjar. Þá verða afhentar viðurkenningar og styrkir til þeirra íþróttafélaga sem áttu landsliðsmenn og Íslandsmeistara á árinu 2013.

Forvarnir vegna íþróttaiðkunar barna og unglinga Íþróttabandalag Akureyrar stendur fyrir málþingi sem haldið verður 22. nóvember 2013 kl. 17.00-20.00 í Háskólanum á Akureyri, sal N-102.

27.Landsmót UMFÍ verður haldið á Selfossi 4.-7.júlí nk. Landsmenn eru boðnir velkomnir og hvattir til að mæta og taka þátt í dagskrá Landsmótsins.

Forseti Íþrótta- og Ólympíusambands Íslands og forseti FIBA Europe, Ólafur Eðvarð Rafnsson, er látinn, fimmtugur að aldri.

Á formannafundi ÍBA þann 4. júní 2013 hélt Þorsteinn Hjaltason fróðlegt erindi um bætur til tjónþola vegna íþróttaslysa. Hann gaf góðfúslegt leyfi til að birta fyrirlesturinn hér á ÍBA síðunni.

Kaffitjald verður við Hof þann 22. maí frá kl. 16,30 - 18,00 Boðið er uppá kaffi og Kristal og létt spjall Sjáumst hress.

Námskeið í Felix verður 10. apríl kl. 17 að Glerárgötu 26

Fimmtudaginn 31.janúar munu UMFÍ og ÍSÍ standa í sameiningu fyrir fundi í Háskólanum á Akureyri í sal N 102 og hefst fundurinn klukkan 17.00. Þar mun Dr. Viðar Halldórsson, félagsfræðingur fjalla um niðurstöður rannsókna og hugleiðingar um skipulagt íþróttastarf fyrir börn og ungmenni. Þátttaka er ókeypis og öllum heimil

Kjöri á íþróttamanni Akureyrar 2012 var lýst í hófi á Hótel Kea fyrr í dag. Arna Sif Ásgrímsdóttir úr Þór og fyrirliði Íslandsmeistara Þórs/KA í knattspyrnu, varð fyrir valinu og hlýtur sæmdarheitið íþróttamaður Akureyrar 2012. Rannveig Oddsdóttir, íþróttamaður UFA, varð í öðru sæti í kjörinu og Guðmundur S. Guðlaugsson, íþróttamaður Bílaklúbbs Akureyrar í þriðja sæti.

Val á Íþróttamanni Akureyrar verður kunngjört í athöfn sem hefst á Hótel KEA miðvikudaginn 16.janúar 2013 kl.17.00.