íþróttabandalag Akureyrar
Stjórn: Starfsmaður:
Geir Kr. Aðalsteinsson, formaður Helga Björg Ingvadóttir, framkvæmdastjóri
Birna Baldursdóttir, varaformaður
Jón Steindór Árnason, fjarverandi
Ómar Kristinsson,
Sigrún Árnadóttir,
María Aldís Sverrisdóttir, varamaður, fjarverandi
Jóna Jónsdóttir, varamaður
Fundur settur
Fundargerð síðasta fundar - Fundargerð síðasta fundar samþykkt.
Innsend erindi:
Fræðslu- og lýðheilsuráðsbókanir:
Engir fundir síðan á síðasta stjórnarfundi. Næsti fundur verður mánudaginn 12. febrúar
Málefni stjórnar:
80 ára afmæli ÍBA er 20. desember 2024. Ný stjórn tekur við eftir ársþing nú í apríl og núverandi stjórn telur rétt að setja skipulag afmælis í hendur hennar. Þó er tillaga að fagna þessu afmælisári á einhvern hátt á ársþingi ÍBA.
Hátíðin Íþróttamaður Akureyrar - Formaður þakkaði undirbúningsnefnd, framkvæmdastjóra ÍBA og varaformanni fyrir gott skipulag en framkvæmd hátíðarinnar gekk framar vonum. Styrktaraðilar eiga einnig þakkir skildar. Ánægja var með að mæting jókst frá fyrra ári, bæði meðal áhorfenda og iðkenda. Íþróttakarl Akureyrar var Baldvin Þór Magnússon UFA og íþróttakona Akureyrar var Sandra María Jessen Þór/KA.
Ársþing ÍBA 2024, undirbúningur
Dagsetning - Stefnt er að halda ársþing ÍBA þriðjudaginn 16. apríl. Dagskrá mun hefjast kl. 17.
Staðsetning - Þingið mun fara fram í golfskálanum að Jaðri.
Uppstillingarnefnd - Aðildarfélögin hafa frest til föstudagsins 16. febrúar til að tilnefna fólk í uppstillingarnefnd.
Önnur mál:
Erindi fært í trúnaðarbók.
Framkvæmdastjóri upplýsti að mót á vegum verkefnisins Allir með verður haldið á Akureyri 16.-17. mars.
N.k. fimmtudag fer fram fundur ÍBA, HSÞ, UMSE og UÍF þar sem áfram verður fjallað um fyrirkomulag starfsstöðva UMFÍ og ÍSÍ.
Tilhögun næsta fundar
Næsti fundur fer fram mánudaginn 4. mars kl. 16:30
Fundarslit kl. 17:40.
