íþróttabandalag Akureyrar
Stjórn: Starfsmaður:
Geir Kr. Aðalsteinsson, formaður Helgi Rúnar Bragason, framkvæmdastjóri
Birna Baldursdóttir, varaformaður
Ármann Ketilsson, gjaldkeri
Inga Stella Pétursdóttir, ritari
Erlingur Kristjánsson, meðstjórnandi
Jón Steindór Árnason, varamaður
Ómar Kristinsson, varamaður
Fundur settur
Innsend erindi:
Frístundaráðsbókanir, fundur 15. september
Til kynningar
Málefni stjórnar:
Sambandsþing UMFÍ
Farið yfir dagskrá þingsins, þingfulltrúa ÍBA og þær tillögur sem eru til umfjöllunar á sambandsþinginu sem fram fer á Húsavík 15.-17. október.
Framhaldsþing 75. Íþróttaþings ÍSÍ
Farið yfir dagskrá þingsins, þingfulltrúa ÍBA og þær tillögur sem eru til umfjöllunar á íþróttaþingi ÍSÍ sem hófst sl. vor en heldur áfram laugardaginn 9. október.
Ávísun á gott samstarf
UMFÍ gaf ÍBA, HSÞ, UMSE og UÍF 250.000 kr. gjöf til að efla samstarf og samvinnu héraðanna. Ákveðið að stjórnir bandalaganna hittist á Siglufirði laugardaginn 30. október.
Formannafundur ÍBA
Ákveðið að næsti formannafundur ÍBA verði jólafundur í lok nóvember. Formanni falið að finna dagsetningu og fundarstað.
Kynning Samskiptafulltrúa ÍSÍ
Samskiptafulltrúi ÍSÍ er að leggja í leiðangur um landið til að kynna sig og starfsemi samskiptafulltrúa fyrir íþrótta- og æskulýðsfélögum landsins. Stjórn ÍBA fagnar framtakinu og felur formanni að finna dagsetningu og húsnæði fyrir kynninguna.
Jafnréttis- og kvennastyrkur
Teknar fyrir umsóknir frá kvennaliðum KA/Þór, Þór/KA, KA blaki og Þór körfu.
Sjóðurinn hefur úr að spila 2,8 milljónir króna og skv. reglum skiptast þær þannig að Þór/KA fær 1.400.000 kr. (12 liða deild), KA/Þór fær 700.000 kr. (8 liða deild) og KA blak fær 700.000 kr. (7 liða deild).
Þór kvennakarf fellur ekki undir styrkinn í óbreyttri mynd þar sem að liðið leikur ekki í efstu deild. Stjórn ÍBA mun senda frístundaráði erindi þess efnis að liðið verði engu að síður styrkt um 500.000 kr. þar sem að nú er verið að koma liðinu aftur af stað með tilheyrandi kostnaði.
Þá vill stjórn ÍBA hvetja Frístundaráð til að uppfæra núgildandi reglur sem settar voru árið 2014 en þær eru orðnar barn síns tíma.
Önnur mál:
Aðstaða bogfimideildar Akurs
Formaður fór yfir stöðuna en deildin er húsnæðislaus en þessa dagana er verið að funda með Skotfélaginu um hvort mögulega geti Akur samnýtt aðstöðu þeirra í Íþróttahöllinni.
Kaup á fjarfundarbúnaði
Formanni falið að kanna verð á fjarfundarbúnaði í fundaraðstöðu ÍBA svo hægt sé að bjóða upp á fjarfundi.
Tillögun næsta fundar
Næsti fundur verður haldinn mánudaginn 1. nóvember kl. 16.30.
Fundarslit kl. 18:30
