Íþróttabandalag Akureyrar

Flýtilyklar

Valmynd

Nýjustu fréttir

Dagskrá Vetraríþróttahátíðar ÍSÍ 2010
fimmtudagur 4.feb.10 00:03 - Lestrar 43
Vetraríþróttahátíð ÍSÍ verður nú haldin á Akureyri í fimmta sinn. Fyrsta hátíðin var haldin árið 1970, var þá þriggja daga hátið og alfarið í höndum heimamanna en ÍSÍ stóð straum að henni fjárhagslega. Sama fyrirkomulag var árið 1980 og árið 1990 varð sú breyting á að hátíðin var lengd í fjóra daga. Árið 2000 komu heimaaðilar einnig að fjárhagslega baklandinu auk ÍSÍ og dagskráin var þá færð á sex helgar. Samhliða því jókst fjölbreytnin í viðburðum verulega. Sama fyrirkomulag verður á hátíðinni í ár, eins og sjá má á dagskránni hér að neðan. Nánari tímasetningar og fyrirkomulag viðburða munu birtast hér þegar nær dregur hátíðinni en að framkvæmd hennar koma Íþróttabandalag Akureyrar og aðildarfélög þess.
Til að sjá myndir af hátíðinni, smellið hér
Íþróttamaður Akureyrar 2009
fimmtudagur 14.jan.10 09:00 - Lestrar 126
1. Bryndís Rún Hansen, sundkona í Óðni
Bryndís Rún styrkti sig enn frekar á liðnu ári sem ein sterkasta sundkona landsins, þrátt fyrir að vera aðeins 16 ára gömul. Árið 2009 er hennar besta til þessa og hefur hún sýnt jafnar og stöðugar framfarir. Hæst á árinu bar þrjá Íslandsmeistaratitla og þá er Bryndís Rún tvöfaldur Íslandsmethafi. Hún var Íslandsmeistari í 50 m flugsundi, bæði í 25 og 50 m laug, og bætti Íslandsmetið í báðum greinum. Þá varð hún Íslandsmeistari í 100 m flugsundi í 25 m laug. Á Evrópumeistaramóti unglinga komst hún annað árið í röð í úrslit og er önnur íslenska stúlkan frá upphafi sem náð hefur að synda í úrslitum á Evrópumeistaramóti. Alls keppti hún á þremur alþjóðlegum mótum erlendis á árinu og vann þar til verðlauna. Á Aldursflokkameistaramóti Íslands varð Bryndís Rún fimmfaldur meistari. Hún er í dag handhafi 52ja Akureyrarmeta í kvenna-,stúlkna-, telpna- og meyjaflokki.
- Lesa meira