Reglur og reglugerðir

1 gr.

Íþróttabandalag Akureyrar skammstafað ÍBA er héraðssamband íþróttafélaga á Akureyri.
Það starfar samkvæmt lögum ÍSÍ og íþróttalögum nr. 64 frá 1998.

2 gr.

Hlutverk ÍBA er:

1. Að stjórna sameiginlegum íþróttamálum héraðsins og vera þar fulltrúi ÍSÍ, en sérráð er stofnuð eru fara með stjórn sérgreinamála innan héraðsins.
2. Að annast samstarf um íþróttamál við bæjaryfirvöld.
3. Að varðveita og skipta á milli félaganna því fé sem til þess hefur verið veitt.
4. Að aðstoða við skipulag, undirbúning og framkvæmd íþróttamóta í héraði.
5. Að hafa frumkvæði um eflingu íþróttastarfs innan héraðsins.
6. Að staðfesta lög aðildarfélaga.
7. Að fylgjast með því að starfsemi aðildarfélaga fari fram skv. gildandi lögum þeirra og íþróttahreyfingarinnar í heild. Vanræki aðildarfélag að halda aðalfund á réttum tíma skal stjórn ÍBA ef þörf krefur boða til fundarins og sjá um framkvæmd hans.
8. Að skipa nefnd sem sér um framkvæmd á kosningu á Íþróttamanni Akureyrar.

3 gr.

Öll félög á Akureyri sem hafa íþróttir að megin markmiði eiga rétt á að gerast aðilar að ÍBA, enda fullnægi þau þeim skilyrðum sem á hverjum tíma gilda í lögum ÍBA og ÍSÍ.

4 gr.

Óski félag eftir að gerast aðili að ÍBA, skal það senda stjórn þess umsókn sína ásamt lögum félagsins, skýrslu um stofndag og ár, stjórn þess og tölu félagsmanna.

Uppfylli félagið inntökuskilyrði þessara laga, öðlast það réttindi í bandalaginu eftir að aðild þess hefur verið samþykkt af stjórn ÍBA, en staðfesta skal inngöngu þess á ársþingi.

Ennfremur öðlast félagið keppnisrétt hjá ÍSÍ eftir að sambandið hefur staðfest inntöku í ÍBA. Stofnfund félagsins skal auglýsa með a.m.k. viku fyrirvara á sannanlegan hátt. Til þess að öðlast full réttindi sem aðildarfélag í ÍBA þ.m.t. aðgang að íþróttamannvirkjum og styrkjum, sem ÍBA veitir, þarf félagið að senda inn fjárhagsáætlanir og halda aðalfundi í samræmi við lög þess.  Aðlögunartími til þess að öðlast slík réttindi skal vera 3 ár.

5 gr.

Aðildarfélög og sérráð skulu senda ársskýrslu til ÍBA fyrir 1. mars og starfsskýrslu til ÍSÍ
fyrir 15. apríl ár hvert. Félög og sérráð skulu í ársskýrslu tilgreina aðalstjórn, stjórn deilda
og nefnda ásamt sögulegu yfirliti yfir starfið.

6 gr.

Félög og sérráð sem ekki hafa sent tilskilin gögn sbr. 5.gr. missa atkvæðisrétt sinn á næsta ársþingi ÍBA og missa einnig rétt til að tilnefna fulltrúa á íþróttaþing. Komi til þessa er stjórn ÍBA heimilt að fella niður styrk til viðkomandi aðila.

Líði annað ár svo að félag geri ekki skil á skýrslum og reikningum, skal næsta ársþing taka ákvörðun um hvort félaginu skuli vikið úr ÍBA.

7 gr.

Félag getur misst öll réttindi sín innan ÍBA um stundarsakir ef það brýtur landslög um íþróttamál, lög og reglur eða ákvæði ÍBA, lög sambanda sem bandalagið er meðlimur í svo og leikreglur ÍSÍ og öðlast þau ekki aftur fyrr en það hefur fullnægt settum refsiákvæðum. Haldi félag ekki aðalfund á réttum tíma og standi Bandalaginu skil á starfsskýrslu og ársreikningi skal aðildarfélagi veitt skrifleg áminning og verði ekki úr bætt innan eins mánaðar skal stjórn ÍBA tilkynna félaginu að því hafi verið vikið úr Bandalaginu.

8 gr.

Leggi félag innan ÍBA niður starfsemi, skulu eigur þess renna til ÍBA ( eða bæjarsjóðs Akureyrar hafi félagið hlotið framkvæmdarstyrk frá Akureyrarbæ).

9 gr.

Þing ÍBA skal halda annað hvert ár, eigi síðar en 15. apríl, og fer það með æðstu stjórn ÍBA.

Átta vikum fyrir þing skal ÍBA tilnefna 3. manna uppstillinganefnd.

Þingboð ásamt tillögu um lagabreytingar ef einhverjar eru skal senda aðildarfélögunum
skriflega með 4 vikna fyrirvara.

Þau mál sem aðilar ÍBA óska eftir að verði á dagskrá skulu berast stjórn bandalagsins í síðasta lagi tveimur vikum fyrir þing.

Viku fyrir þing skal aðilum send ársskýrsla, endurskoðaðir reikningar, kjörbréf og skrá yfir fulltrúafjölda þann sem heimilt er að senda á ársþingið. Enfremur þær tillögur sem ákveðið hefur verið að leggja fyrir þingið.

Ársþing ÍBA er lögmætt, ef löglega hefur verið til þess boðað.

10 gr.

Hvert bandalagsfélag hefur rétt á að senda fulltrúa á þing ÍBA. Skal tala fulltrúa miðuð við fjölda félagsmanna skv. síðustu ársskýrslu þannig að félag með:

1 – 100            félagsmenn hljóti 2 fulltrúa.

101 – 250        félagsmenn hljóti 3 fulltrúa.

251 – 400        félagsmenn hljóti 4 fulltrúa.

                        401 -550          félagsmenn hljóti 5 fulltrúa.

551-700           félagsmenn hljóti 6 fulltrúa.

701 og fleiri     félagsmenn hljóti 7 fulltrúa.

11 gr.

Á þingi ÍBA eiga sæti með atkvæðisrétti fulltrúar þeir sem aðildarfélög ÍBA hafa kjörið til þings skv. 10 gr. sbr þó 6 og 7 gr. svo og tveir fulltrúar frá hverju virku sérráði á bandalagssvæðinu.

Fulltrúar aðildarfélaga og sérráða innan ÍBA hafa einir atkvæðisrétt eða varamenn þeirra. Enginn fulltrúi má fara með meira en eitt atkvæði. Fulltrúi getur því aðeins farið með atkvæði, að hann hafi lagt fram kjörbréf sitt og að það hafi verið staðfest af þinginu.

Rétt til þingsetu með málfrelsi og tillögurétti hafa auk stjórnar ÍBA, framkvæmdastjórn ÍSI, íþróttafulltrúi ríkisins, íþróttafulltrúi Akureyrarbæjar og fulltrúi frá Vetraríþróttamiðstöð Íslands.

12 gr.

Dagskrá þingsins skal vera þessi:

1. Þingsetning.
2. Kosning þriggja manna kjörbréfanefndar.
3. Kosning þingforseta, þingritara og varamanna þeirra.
4. Ársskýrslur stjórnar og sérráða ræddar svo og reikningar þeirra og atkvæði greidd um þá.
5. Fyrri umræða um lagabreytingar ef fyrir liggja, 3 manna laganefnd kjörin til að athuga breytingar fyrir framhaldsfund.
6. Ræddar tillögur og mál sem fyrir liggja.
7. Fyrri umræða um fjárhagsáætlun.
8. Kosnar 3 – ja manna þingnefndir.

ÞINGHLÉ.

1. Álit nefnda, umræður og atkvæðagreiðsla.
2. Kosningar og tilnefningar.

Tilnefningar í sérráð ÍBA.

Kosinn formaður ÍBA.

Kosnir 3 menn í stjórn ÍBA og 3 til vara.

Kosning 2 skoðunarmanna.

Kosning í nefndir, er þingið ákveður.

Kosning fulltrúa á ÍSÍ þing.

1. Önnur mál.
2. Þingslit.

Þingið skal standa í einn dag nema sérstakar ástæður séu fyrir hendi. Nefndir starfi í þinghléi. Allar kosningar skulu vera skriflegar séu fleiri tilnefndir en kjósa skal. Verði atkvæði jöfn skal varpa hlutkesti.

13 gr.

Aukaþing skal halda, ef nauðsyn krefur og eða helmingur sambandsaðila óskar þess.
Allur boðunar og tilkynningarfrestur til aukaþings má vera helmingi styttri en til reglulegs þings. Fulltrúar á aukaþingi eru þeir sömu og voru á næsta reglulega þingi á undan, og gilda sömu kjörbréf. Þó má kjósa að nýju í stað fulltrúa sem er látinn, veikur eða forfallaður á annan hátt.

Á aukaþingi má ekki gera laga-eða reglnabreytingar og ekki kjósa stjórn nema bráðbirgðastjórn, ef meirihluti kjörinnar aðalstjórnar hefur sagt af sér eða hætt störfum af öðrum orsökum, eða stjórnin hefur að eigin dómi orðið óstarfhæf. Að öðru leiti gilda sömu reglur og um venjulegt ársþing.

14 gr.

Einfaldur meirihluti ræður úrslitum í málum sem tilkynnt hafa verið í þingboði, hvort sem er á reglulegu ársþingi eða aukaþingi. Til að taka megi mál sem ekki er getið í fundarboði á dagskrá þingsins þarf samþykki 2/3 greiddra atkvæða.

Til lagabreytinga þarf samþykki 2/3 greiddra atkvæða.

15 gr.

1. Formanni ÍBA ber að kalla saman formannafund ekki síðar en 1 mánuði eftir ÍBA þing.
2. Stjórn ÍBA skiptir með sér verkum og kýs varaformann, gjaldkera og ritara. Formenn einstakra félaga sérráða eða sérsambanda má ekki kjósa í stjórn.
3. Starfstími stjórnar ÍBA er 2 ár.
4. Formannafund skal halda a.m.k. fjórum sinnum á ári. " Á formannafundi gerir stjórn ÍBA grein fyrir starfsemi sinni frá því að síðasti formannafundur var haldinn. Auk þess skal taka fyrir á formannafundi önnur mál, sem stjórnin eða aðildarfélögin telja nauðsynlegt að ræða."

16 gr.

Stjórn ÍBA fer með umboð í málefnum bandalagsins milli þinga og skal sjá um allar framkvæmdir þess og vinna að málum þess. Stjórninni er heimilt að skipa nefndir innan eða utan sinna vébanda til að sjá um og framkvæma viss mál bandalagsins. Formaður skal boða stjórnarfundi eftir því sem þurfa þykir. Að öðru leyti setur formannafundur stjórn starfsreglur. Formannafundir eru lögmætir ef löglega er til þeirra boðað, með viku fyrirvara ásamt dagskrá. Atkvæði formanns ræður úrslitum ef atkvæði eru jöfn.

17 gr.

Í íþróttagreinum þar sem sérráð eru ekki starfandi, fer stjórn ÍBA með hin sérfræðilegu málefni innan héraðs og getur skipað til þess sérstaka nefnd ef ástæða þykir til.

Sérráð fer með stjórn íþróttalegra sérmála þeirra íþróttagreina sem það varðar, að svo miklu leiti sem það fer ekki inn á svið annarra sérgreina.

18 gr.

Dómstólar ÍSÍ skulu hafa fullnaðarlögsögu yfir þeim málefnum sem koma upp innan íþróttahreyfingarinnar. Nánar er fjallað um þá í lögum um dómstóla íþrótta- og Olympíusambands Íslands.

Þannig samþykkt á 59. ársþingi ÍBA 14. apríl 2010.